![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Aquila chrysaetos | |
---|---|
Un alica crabitera (Aquila chrysaetos). | |
Denominacions populars | |
alica crabitera
| |
Estau de conservación | |
Clasificación cientifica | |
Animalia | |
Filo:
|
Chordata |
Aves | |
Accipitriformes | |
Accipitridae | |
Aquila | |
A. chrysaetos | |
Descripción | |
Distribución cheografica | |
Distribución de l'alica crabitera. Aria de cria (verde clara), aria d'hivernada (azul) y tot l'anyo (verde fosca). |
L' alica crabitera[1] (Aquila chrysaetos (Linnaeus, 1758)[2]) ye una au rapinyadera d'a orden d'os Accipitriformes y familia Accipitridae que ye a especie d'alica de mayor distribución. Istas aus son de color parda fosca, con un plomache pardo dorau mas claro en a foyeta. As alicas inmaduras d'ista especie gosan tener blanco en a coda y a ormino tienen marcas blancas en as alas. As alicas crabiteras fan servir a suya achilidat y velocidat combinadas con piez poderosos y zarpas enormes y esmoladas pa atrapar una variedat de presas, sobretot liapres, coniellos, marmotas y atros chicoz mamifers terrestres.[3]
As alicas crabiteras mantienen arias de distribución u territorios que pueden estar tan grans como 200 km2. Construyen grans niedos en cinglas y atros puestos altos a los que pueden tornar mientres cuantos anyos de reproducción. A mayoría d'as actividaz de cría son de primavera; son monogamas y pueden remanir chuntos mientres cuantos anyos u posiblement de per vida. As fembras meten dica cuatro uegos y dimpués os coban mientres seis semanas. Per un regular, una u dos crietas sobreviven pa emplumar en uns tres meses. Istas alicas crabiteras chuvenils cheneralment aconsiguen l'independencia total d'agüerro, dimpués d'o cual dondian amplament dica establir-se un territorio pa ellas mesmas en cuatro u cinco anyos.
© MMXXIII Rich X Search. We shall prevail. All rights reserved. Rich X Search